Tæknimiðstöð Íslands

 Áfangaskýrsla undirbúningsnefndar I.
Skýrsla sem unnin var að loknum 1. áfanga undirbúningsstarfsins.  Henni fylgir skýrsla VST um mat á stofn- og rekstrarkostnaði.  Skýrslan var kynnt 1. des. 2006 og afhent menntamálaráðherra.  Dreift á Alþingi stuttu síðar.

Skýrsla VST um byggingar- og rekstrarkostnað T.Í.
Verkfræðistofa Sigurðar Thoroddsen vann þessa skýrslu að beiðni undirbúningsnefndar.  Hér er lagt mat á stofnkostnað og rekstrarkostnað tæknimiðstöðvar (þá nefnt tæknisafn) samkvæmt bestu fáanlegu forsendum og miðað við fyrirliggjandi hugmyndir.

Sérfræðiálit KhÍ/SRR um stofnun T.Í.
Undirbúningsnefnd fékk Kennaraháskóla Íslands til að vinna sérfræðiálit um gagnsemi og þörf fyrir Tæknimiðstöð Íslands í þágu íslenska menntakerfisins.  Deild KhÍ sem nefnist Símenntun-rannsóknir-ráðgjöf vann þessa skýrslu sjálfstætt, en kallaði eftir áliti sérfræðinga úr mörgum greinum skólastarfsins.  Niðurstöður sýna ótvírætt að brýn þörf er fyrir íslenskt þjóðartæknisafn.

Tillögur að stefnu Vísinda- og tækniráðs 2006-2009
Í vísinda- og tækniráði sitja ráðherrar forsætis, fjármála-, iðnaðar- og menntamála og margir ráðherraskipaðir aðilar úr mennta- og atvinnulífi.  Hér er að finna framtíðarsýn, áherslur og ábendingar um leiðir varðandi eflingu mennta og rannsókna, einkum á háskólastigi.  Áhersla er m.a. lögð á að byggja upp menntakerfi í fremstu röð í heiminum.

Stefnuyfirlýsing ríkisstjórnar Sjálfstæðisflokks og Samfylkingar 2007
Vakin er athygli á kaflanum um "menntun í fremstu röð".  Til að hafa menntun í fremstu röð þurfum við að hafa námstæki til jafns við aðrar þjóðir.  Enn vantar okkur þjóðartæknimiðstöð og vísindastofu.  Lögð verður áhersla á einstaklingsmiðað nám og eflingu verkmenntunar.  Ber það að sama brunni.

Umfang og umhverfi frumkvöðlastarfsemi á Íslandi 2004
Niðurstöður rannsókna sem gerð var á vegum Háskólans í Reykjavík.  Meðal annars kemur fram að frumkvöðlamenntun á Íslandi er óviðunandi, einkum á grunnskóla- og framhaldsskólastigi.

Ávarp forseta Íslands í Þjórsárveri 2004
Flutt í tilefni opnunar sýningarinnar "Hugvit og hagleikur".  Hvetur m.a. til varðveislu á minningu og verkum íslensks hugvitsfólks.

Aðalnámskrá grunnskóla í hönnun og smíði.
Einn megintilgangur fagsins er að gera nemandann hæfari til að takast á við síbreytilegt umhverfi tækni og þekkingar; aðlagast tækninýjungum; átta sig á möguleikum þeirra og hagnýta þær.  Hér hefur Tæknimiðstöð veigamiklu hlutverki að gegna.

Aðalnámskrá grunnskóla í upplýsinga- og tæknimennt.
Lögð er áhersla á að nemandinn þjálfist í að nýta sér tækni; sé virkur gerandi og fái að spreyta sig á verkefnum að eigin vali.  Einnig að tengja verkefnavinnu við raunverulegar aðstæður.  "Sérstök áhersla er lögð á tækniumhverfi nútímans...."  Tæknimiðstöðvar víðsvegar um heim hafa veigamiklu hlutveki að gegna við þessa grein menntunar.

Aðalnámská grunnskóla í náttúrufræði og umhverfismennt.
Fjallar m.s. um kennslu í eðlisvísindum og skyldum greinum.  Tæknimiðstöð væri mikilvægt hjálpartæki skólanna við framkvæmd þessarar námsskrár.

Safnalög nr. 106/2001.
Hér er m.a. að finna skilgreiningar á safni (4. grein).

Menntun í mótun.
Skýrsla, útg. af menntamálaráðuneytinu, um niðurstöður starfshópa um árangur menntastarfs á Íslandi í samanburði við stefnumótunarvinnu ESB.